"Kukesi"nin hücumçusu: "Qarabağ"la oyunda diqqətli olmalıyıq"

"Qarabağ" haqda məlumata sahibik. Bu komandanın uğurları çox şeydən xəbər verir".

 

Futbolxeber.az saytının məlumatına görə, bu sözləri "Qarabağ"ın Çempionlar Liqasının II təsnifat mərhələsindəki rəqibi olan Albaniyanın "Kukesi" klubunun hücumçusu Sebino Plaku deyib. 33 yaşlı forvard Ağdam təmsilçisinin güclü olduğunu deyib: "Qarabağ"ın büdcəsi çoxdu. Rəqibimiz heyətində təcrübəli və potensiallı gənc futbolçular çıxış edir. "Qarabağ" sabit komandadı və yetərincə güclüdü. Hər iki görüş bizim üçün çətin keçəcək. Sabahkı matçda diqqətli olmalıyıq. Səfərə yaxşı nəticə ilə yollanmaq vacib amildi".

 

Plaku "Qarabağ"da çıxış edən həmyerlisi Ansi Aqolli haqda da danışıb: "Aqolli Tiranadandı. Onunla çoxdan tanışlığımız var. Həmyerlimlə, Tirananın ən yaxşı oğlanı ilə görüşmək bizim üçün xoşdu. Ansi Aqolli ilə bağlı xoş sözlər söyləmək olar. O, millinin uzun illər şərəfini qoruyub"