"Qarabağ" "Kukesi" səddini də keçəcək"

“Bu cür oyunlarda adətən oyun yox, nəticə önəmli olur. “Qarabağ” da nəticə üçün oynadı və istədiyini qazandı”.

Bu sözləri Futbolxeber.az saytına açıqlamasında “Qarabağ”ın sabiq forvardı Samir Musayev deyib.

Musayev Ağdam təmsilçisinin Çempionlar Liqasının birinci təsnifat mərhələsinin “Olimpiya” ilə cavab qarşılaşmasında nümayiş etdirdiyi futbol barədə danışıb. Bununla yanaşı “Qarabağ”ın ikinci mərhələdəki rəqibi “Kukesi” haqda da fikirlərini bildirib: “Qarabağ” oyun cəhətdən də “Olimpiya”ya qarşı pis oynamadı. Əsas odu ki, nəticə qazanıldı. Yeni oyunçular da yaxşı oynadı. Oyundan-oyuna daha da yaxşı oynayacaqlar. Qurban müəllim “Olimpiya” ilə oyunda zəif tərəfləri gördü və növbəti oyunda daha yaxşı “Qarabağ” görəcəyik. Növbəti rəqibin kimliyi vacib deyil. Əsas odu ki, uğurlu nəticə qazanaq. İnanıram ki, “Qarabağ” “Kukesi” səddini də keçəcək”.