"Uypeşt" "Neftçi"ni 2:0 məğlub edəcək gücdədi"

Macarıstan futbolunun veteranları “Uypeşt” - “Neftçi” matçı haqda fikirlərini mətbuata bildirib.

Futboleber.az saytının məlumatına görə, macarlar Avropa Liqasının birinci təsnifat mərhələsinin cavab qarşılaşması barədə danışıblar.

Zoltan Şlezak: “Düşünürəm ki, növbəti mərhələyə adlayacağıq. Bakıdakı oyunu gördüm. Əgər biz evdə stabil oynasaq mərhələ adlayacağıq. Səfərdəki görüşdə hətta hesabda da öndə idik. Əminəm ki, azərbaycanlılar risk etmyəcək. Qol vurmaq üçün şanslarımızın olacağını düşünürəm. Bizim işimiz iki qol vurmaqdı”.

Dyord Veber: “Mən hər şeyin yaxşısına ümid edirəm. “Neftçi”ni 2:0 hesabı ilə udacaq gücdəyik. Sadəcə müdafiəyə diqqət etməliyik. Çünki buraxılacaq qol işimizi çətinləşdirə bilər. Necə gəldi irəli getmək də olmaz”.

Yojef Tot: “Əsas odu ki, oyunçular öz güclərinə inansın. İnanıram ki biz ikinci mərhələyə adlayacağıq. Bunu azarkeşlərimizin köməyi ilə edəcəyimizə inanıram”.

Antal Dunay: “Növbəti mərhələyə adlayacağımıza inanıram. Əsas rolu isə erkən qol həll edəcək. İlk yarıda iki qol vurmağımız pis olmazdı.Əminəm ki, “Uypeşt” “Sevilya”nı bura gətirəcək”.