"Qarabağ" məni hamıdan çox istədi, ona görə bu klubla müqavilə imzaladım" - MÜSAHİBƏ

"Qarabağ"ın yeni transferi Simon Slavçev Bolqarıstan mətbuatına müsahibə verib.

Futbolxeber.az saytı həmin müsahibəni təqdim edir:

 

- “Qarabağ”a keçidiniz münasibətilə təbrik edirik. Özünüzü necə hiss edirsiniz?

- Çox sağolun. Özümü yaxşı hiss edirəm və keçidimə görə də şadam. Ambissiyalı klubla müqavilə imzalamışam. “Qarabağ”dakılar məni komandada görmək istədiyini göstərdilər. Şadam ki, biz razılıq əldə etdik. Bu düşünülmüş addım idi

 

- Yeni komanda yoldaşlarınız və baş məşqçi ilə artıq görüşmüsüz? “Qarabağ” haqda hansı fikirdəsiniz?

- Bəli, görüşmüşəm. Məni çox yaxşı qarşıladılar. Mən rus və ya Azərbaycan dilini öyrənməliyəm. Bu daha tez adaptasiya olmağım üçün yaxşıdı. Yaxşı ki, komandada baş məşqçinin köməkçisi Çudomir Çakarov var, o da bolqardı.

 

- “Sportinq”dən ayrılmağınız necə oldu?

- Klub ətrafındakı skandallardan sonra mənim klubla bir illik müqaviləm qüvvədə idi. “Sportinq”lə planları müzakirə etdik. Mənə yenidən ikinci komandada oynamağı təklif etdilər və bu da mənim xoşuma gəlmədi. Klubda rəhbərlik, məşqçi və futbolçu heyəti dəyişir. Ona görə də klubu tərk etmək qərarına gəldim. “Qarabağ” məni hamıdan çox istədi, ona görə də bura gəldim.

 

- Yeni mövsümdə əsas məqsədləriniz nə olacaq? “Qarabağ” Çempionlar Liqasındakı çıxışına başlayır...

- Çempionlar Liqasında mərhələ adlamaq lazımdı ki, qruplara qalaq. Mənim məqsədlərim çoxdu. İlk öncə sağlam olmaq, daha sonra effektiv olub komandamın məqsədlərə çatması üçün kömək olmaq istəyirəm. Şəxsi məqsədlərim də milli ilə bağlıdı.

 

- Rusiyada davam edən Dünya çempionatını izləyirsiz? Hansı komandanı favorit hesab edirsiz?

Hələ ki, bir oyun belə buraxmamışam. Öncə favorit olaraq Fransanı görürdüm. Onlara qarşı oynamışdıq – çox güclü komandadı. Fransanın fianla çıxmaq şansları çoxdu. Unutmayaq ki, bizimlə eyni qrupda yer alan Fransa və İsveç hazırd dünyanın ən yaxşı səkkiz komandası arasındadı. Qrupda nəyə görə uğurlu çıxış etmədiyimizə bəhanə axtarmıram. Sadəcə ona görə deyirəm ki, görün necə gücü qrupda yer almışıq.

 

- Sizcə hansı komanda çempion olacaq?

Məncə, bu Fransa yığmasıdı. Digər komandalardan birinin çempion olması mənim üçün gözlənilməz olacaq.

 

(blitz.bg)