"Qəbələ" "Proqress"i bir ayaqla keçməlidi"

“Azərbaycan klublarından ən çətin rəqib elə “Neftçi”yə düşdü. Düşünürəm ki, klublarımız ilk mərhələni keçməlidi”.

Bu sözləri Futbolxeber.az saytına açıqlamasında “Neftçi”, “Qəbələ” kimi klublarda oynamış millimizin də sabiq üzvü Saşa Yunisoğlu deyib.

“Ağ-qaralar”ın sabiq müdafiəçisi azarkeşlərdən bütün klublarımıza dəstək verməyə çağırdı: “Neftçi” “Uypeşt”i keçəcəyi təqdirdə, “Sevilya” kimi dünya səviyyəli klubla qarşılaşacaq. Çox çətin və maraqlı rəqibdi. Ancq gəlin hələ tələsməyək. “Neftçi”, “Qəbələ”, “Qarabağ” və “Keşlə”yə gəlin dəstək olaq. Bütün komandalarımızı qrup mərhələsində görmək əla olardı”.

Yunisoğlu 2010-2012-ci illərdə formasını geyindiyi “Qəbələ”nin “Proqress”i keçməyə məcbur olduğunu deyib: “Qəbələ” “Proqress”lə düşüb. Əgər “Qəbələ”nin məqsədi həmişəki kimi yüksəkdisə, onlar Lüksemburq təmsilçisini bir ayaqla keçməlidi. Həm də qeydə alınacaq qələbə, Sənan Qurbanov üçün təkan və stimul olacaq”.