Rəşad Sadıqovun 7-ci çempionluğu

“Qarabağ”ın kapitanı Rəşad Sadıqov öz rekordunu yeniləyib.

Futbolxeber.az saytının məlumatına görə, təcrübəli müdafiəçi karyerasında 7-ci dəfə Azərbaycan çempionu olub. Ardıcıl 5 dəfə (2013-14, 2014-15, 2015-16, 2016-17, 2017-18) Ağdam klubu ilə çempionluq sevinci yaşayan təcrübəli futbolçu 2003-04 və 2004-05-ci il mövsümü “Neftçi”də çıxış edərkən də qızıl medala layiq görülüb.

Qeyd edək ki, Azərbaycan milli çempionatlar tarixində ən çox çempionluq qazanan futbolçu Mahmud Qurbanovdur. Karyerasını başa vuran Qurbanov 11 dəfə ölkə çempionu olub (3 dəfə “Kəpəz”, 2 dəfə “Şəmkir”, 3 dəfə “Neftçi”, 1 dəfə “Xəzər Lənkəran”, 1 dəfə “İnter”, 1 dəfə “Bakı”nın heyətində).