“Bir tərəfdə İspaniya, digər yanda Avropanın ən güclü hücum xəttinə malik Azərbaycan...”

Futzal üzrə Fransa millisinin baş məşqçisi Pierre Jacky Avropa çempionatında Azərbaycan yığmasına 3:5 hesabı ilə uduzduqlarə görüş barədə danışıb.

Futbolxeber.az saytının məlumatına görə, o, Azərbaycan yığmasının Avropada ən güclü hücum xəttinə malik olduğunu qeyd edib:

“İlk oyunda ispanlara qarşı yaxşı nəticə əldə etmişdik. Bu, inamımızı artırmışdı və davamını gətirməyə çalışdıq. Amma səhvlərə yol verdik və istədiyimizi reallaşdırmağı bacarmadıq. Bizim üçün mübarizə hələ başa çatmayıb. İspaniya - Azərbaycan oyununu nəticəsini gözləyəcəyik.

Bir tərəfdə dünyanın ən yaxşı komandası olan İspaniya, digər yanda Avropanın ən güclü hücum xəttinə malik Azərbaycan millsi yer alacaq. Ümidimizi üzməmişik. Qazanılan nəticəyə baxmayaraq, oyunçularımla fəxr edirəm”.