“Neftçi” sonuncu oyununda da uduzdu

Türkiyədə təlim-məşq toplanışını olan “Neftçi” bu gün sonuncu yoxlama görüşünü keçirib.

Futbolxeber.az saytının məlumatına görə, “ağ-qaralar”  Makedoniyanın “Sileks” klubu ilə üz-üzə gəlib. Bundan əvvəl keçirdiyi 4 oyunun hamısında uduzan Tərlan Əhmədovun komandası bu dəfə də meydanı məğlub tərk edib - 0:3.

Qeyd edək ki, “Neftçi” əvvəlki yoxlama oyunlarında “SKA Xabarovsk”a (Rusiya) 1:8, “Slaviya”ya (Bolqarıstan) 0:1, “Konkordiya”ya (Rumıniya) 0:1, “Krılya Sovetov”a (Rusiya) isə 0:2 hesabı ilə məğlub olub.

"Neftçi" (Azərbaycan) - "Sileks" (Makedoniya) - 0:3

“Neftçi”: Səlahət Ağayev, Fərid Abbaslı (Mayk Kampaz, 46), Kirilo Petrov, Elvin Sərkərov, İlkin Qırtımov, Rəşad Sadiqov (k), Derlis Meza Kolli, İqnasio Errera, Namik Ələskərov, Fransisko Qarsiya, Mirabdulla Abbasov (Lukas Qomez, 46)