“Səbail” “Lokomotiv”ə uduzdu

Antalyada təlim-məşq toplanışında olan “Səbail” bu gün növbəti yoxlama oyununa çıxıb.

Futblxeber.az saytının məlumatına görə, Samir Əliyevin komandası  Bolqarıstanın “Lokomotiv” klubu ilə qüvvəsini sınayıb. Matç təmsilçimizin 1:3 hesablı yenilgisi ilə başa çatıb.

İlk yarıda Vüqar Nadirov hesabı açsa da, ikinci yarıda bolqarlar 3 qol vurublar.

Qeyd edək ki, Bolqarıstan Yüksək liqasında çıxış edən Plovdiv təmsilçisi hazırda 23 xalla 14 komanda arasında 9-cu yerdədir.

Əlavə edək ki, “Səbail” buna qədər Türkiyədə 2 yoxlama görüşü keçirib. Premyer Liqanın debütantı “Çernomorets”lə (Ukrayna) 0:0, “Napredak”la (Serbiya) isə 1:1-lik bərabərə qalıb.