“Sumqayıt” Pandevin komandası ilə heç-heçə oynadı

Türkiyənin Antalya şəhərində təlim-məşq toplanışında olan “Sumqayıt” bu gün növbəti yoxlama oyununu keçirib.

Futbolxeber.az-ın klubun saytına istinadən verdiyi məlumata görə, Samir Abasovun komandası Makedoniya təmsilçisi “Akademiya Pandev” klubu ilə qarşılaşıb. 30-cu dəqiqədə “Sumqayıt” Vurğun Hüseynovun qolu ilə hesabda önə keçsə də, 44-cü dəqiqədə rəqib Aleksandar Mişov ilə hesabda tarazlığı bərpa edib. Beləliklə, oyun 1:1 hesablı heç-heçə ilə yekunlaşıb.

“Sumqayıt” FK meydana bu heyətlə çıxıb:

23. Mehdi Cənnətov, 2. Rail Məlikov, 3. Vurğun Hüseynov, 6. Kamal Mirzəyev, 7. Cavid Tağıyev, 9. Amil Yunanov, 14. Bəxtiyar Həsənalızadə, 17. Nicat Qurbanov, 18. Tural Axundov, 19. Azər Salahlı, 97. Xəyal Nəcəfov.

Meydana sonradan daxil olanlar:

1. Fərhad Vəliyev, 36. Süleyman Süleymanov, 11. Ehtiram Şahverdiyev, 20. Rüfət Abdullazadə, 32. Rəşad Eyyubov, 39. Tural Bayramlı, 70. Ülvi İsgəndərov.

Qeyd edək ki, “Sumqayıt” növbəti yoxlama görüşünü yanvarın 31-də Rusiya Premyer Liqası təmsilçisi “Anji”yə qarşı keçirəcək.