"Kəpəz" Antalyaya üz tutdu

Bir müddətdir Bakıda hazırlıq keçən "Kəpəz" paytaxtı tərk edib.

Futbolxeber.az saytının məlumatına görə, Gəncə təmsilçisi gecə saatlarında Antalyaya yola düşüb. Komanda təlim-məşq toplanışının ikinci mərhələsini qardaş ölkədə keçirəcək.

Qeyd edək ki, "Kəpəz" Antalya toplanışı çərçivəsində 4 yoxlama oyunu keçirəcək. Gəncəlilər yanvarın 22-də "Viitorul" (Konstanta, Rumıniya), 25-də "Tedjon Sitizen" (Cənubi Koreya), 28-də "Yagelloniya" (Belostok, Polşa), 31-də isə "Spartak" (Subotiça, Serbiya) klubları ilə üz-üzə gələcək.