"Qəbələ" yarımfinalda, Sumqayıtda sensasiya

Bu gün Azərbaycan Kubokunda 1/4 final mərhələsinə yekun vurulub.

Futbolxeber.az saytının məlumatına görə, keçirilən iki oyunla bütün yarımfinalçılar bəllli olub.

Günün ilk oyununda "Səbail" "Qəbələ"ni qəbul edib. Öz meydanında keçirilən ilk oyunda 1:0 hesablı qələbə qazanan "Qəbələ" cavab matçında da 4:2 hesabı ilə qalib gələrək yarımfinala yüksəlib.

Digər görüşdə - ilin son qarşılaşmasında isə "Qarabağ" "Sumqayıt"ın qonağı olub. Oyun "Sumqayıt"ın sensasiyalı qələbəsi ilə nəticələnib - 2:0. Beləliklə, "Qarabağ" gözlənilmədən kubokla vidalaşıb.

“Sumqayıt” - “Qarabağ” 2:0

Qollar: Kamal Mirzəyev, 22, Amil Yunanov, 90

İlk oyun - 1:2

“Səbail” - “Qəbələ” 2:4

Qollar: Adrian Popoviçi, 16 (1:0), Filip Ozobiç, 22 (1:1), Ruslan Qurbanov, 44 (1:2), Famussa Kone, 56 (1:3), Baqali Dabo, 75 (1:4), Elman Taqayev, 78 (2:4)

İlk oyun - 0:1

Yarımfinal cütlükləri

"Keşlə" - “Sumqayıt”

“Neftçi” - “Qəbələ”