Samir Əliyev: “Qoy, buna hakimlər komitəsinin sədri qiymət versin”

Topaz Premyer Liqasının XIII turunda “Səbail” səfərdə “Sumqayıt”la qolsuz bərabərə qalıb.

Futbolxeber.az saytının məlumatına görə, Əliyev oyunsonrası mətbuat konfransında bunları deyib:

“Gözəl oyun sərgiıləyən komandaya qarşı oynadıq. Hər ikitərəfin qol şansları oldu. Ona görə istəniıən nəticə qeydə alına bilərdi. Uşaqlardan da, göstərilən oyundan da razı qaldım. Səfərdə “Sumqayıt”dan xal almaq yaxşı nəticədir.

- Rəqib müdafiəçi Bəhlul Mustafazadə komandanızın üzvü Popoviçini yıxdığı epizodda hər kəs qırmızı vərəqə gözləsə də, hakimin fiti susdu...

- Hakimlik haqda danışmaq istəmirəm. Komitənin sədri var, qoy, o buna qiymət versin. Qıraqdan hər şey görünür. Bilmirəm ki qəsdən etdi, ya bilməyərəkdən.

- Elman Taqayev son vaxtlar zəif təsir bağışayır. Bunun səbəbini nədə görürsüz?

- O, bir müddət əvvəl zədələnişdi. Hələ ki, meydana çıxmaq üçün tam hazır deyil. Məcburiyyətdən meydana buraxırıq.