Namiq Ələsgərov: “Bizi çətin səfər qarşılaşması gözləyir”

Millimizin yarımmüdafiəçisi Namiq Ələsgərov sabah DÇ-2018-in seçmə mərhələsində Norveçə qarşı keçiriləcək oyundan danışıb.

Futbolxeber.az saytının məlumatına görə, o vətənə sərfəli nəticə ilə qayıtmaq istədiklərini bildirib:

"Məşqçimiz də qeyd edib ki, Norveç millisi hazırda çox yaxşı vəziyyətdədir. Ancaq biz də Azərbaycana yaxşı nəticəylə qayıtmaq üçün əlimizdən gələni etməyə çalışacağıq. Norveçin son oyunlarına, o cümlədən Çexiya ilə görüşünə baxmışıq. Rəqib son vaxtlar xeyli inkişaf edib, ona görə də bizi çətin səfər qarşılaşması gözləyir".