Zaur Svanadze: “Əvəzetmələr oyunun gedişatını dəyişdi”

Topaz Premyer Liqasının ikinci turunda “Qarabağ”ın qonağı olan “İnter” 0:1 hesabı ilə uduzub.

Futbolxeber.az saytının məlumatına görə, komandanın baş məşqçisi Zaur Svanadze görüşlə bağlı bunları deyib:

“Çətin oyun oldu. Birinci hissədə yaxşı oynamadıq, üstünlüyü rəqibə verdik. Ötürmələrdə səhvlər buraxdıq. Fasilədən sonra daha yaxşı oynayırdıq. Amma Miçel, Mahir Mədətov və Riçard Almeydanın meydana daxil olması görüşün gedişatını dəyişdi. Biz səhvə yol verdik və qapımızdan qol buraxdıq. Uşaqlar çox çalışdılar, amma biz mövsümün ikinci oyununda da məğlubiyyətə uğradıq. Əlbəttə ki, ilk 2 turda “Qarabağ” və “Qəbələ” ilə qarşılaşdığımızı nəzərə alsaq, çətin olduğunu etiraf etməliyik. Startda başqa rəqiblərlə qarşılaşmaq istərdik. Amma bu oyunlarda da xal qazana bilərdik. Ötən mövsümlə müqayisədə bizim ehtiyat oyunçularımız azalıb. Qışa qədər çox çətin olacaq”.