Əmrah Çəlikəl: “Biz heç vaxt səfərə turist kimi getmirik” (MÜSAHİBƏ)

“Qarabağ”ın direktoru Əmrah Çəlikəl Çempionlar Liqasının II təsnifat mərhələsinin ilk oyununda “Samtredia”nı 5:0 hesabı ilə məğlub etdikləri görüşdən sonra Futbolxeber.az saytına müsahibə verib.

- Belə böyükhesablı qələbə gözləyirdiniz?

- Açığı yox, gözləmirdim. Bu qələbə bizim də üçün sürpriz oldu.

- Yeni transferlərin debütundan razı qaldınız?

- Hamı necə, mən də elə. Təbii ki, razı qaldıq.

- Amma “Qarabağ” yenə də güclənməlidi...

- Qurban müəllim bunu daha yaxşı bilir. Axtarışlarımız davam edir.

- Bugünkü qələbədən sonra Tiflisə turist kimi getməyə dəyər?

- Biz heç vaxt səfərə turist kimi getmirik. Hər kəsə arxayınlaşmağı məsləhət görmürəm. Qarşıda hələ daha bir 90 dəqiqə var.

- Rəşad Sadıqovun zədəsi nə yerdədir?

- Oyun yenicə başa çatıb. Bu barədə məlumatsızıq. Yəqin ki, son durumu sabah biləcəyik.