Abdulbari Gözəl: “Əsas hədəfimiz Avropada özümüzü sübut etməkdir”

Bu gün Topaz Premyer Liqasında 27-ci tura start verilib. Futbolxeber.az-ın məlumatına görə, çempionluğunu rəsmiləşdirən “Qarabağ” evdə “Sumqayıt”ı 2:1 hesabı ilə məğlub edib.

 

“Azərsun Arena”dakı matçdan sonra çempion üçün mükafatlandırma mərasimi keçirilir. Tədbirdə iştirak edən “Qarabağ”ın prezidenti Abdulbari Gözəl “CBC Sport”a açıqlamalar verib: “Bu mövsüm ardıcıl dördüncü dəfə çempion olduq. “Qarabağ” Azərbaycanda bayrağımız kimidir. İnşallah, biz “Qarabağ”ı daima yüksək yerlərdə görəcəyik. Azərbaycan futbolu, idmanı hərtərəfli inkişaf edir. “Qarabağ” da bu mənada birinci yerdə gedir. Və bizim əsas hədəfimiz Avropada özümüzü sübut etmək, daha çox uğur qazanmaqdır”. 

 

O, Çempionlar Liqasının qrup mərhələsinə adlamaqla bağlı da fikirlərini açıqlayıb: “Gözləntimiz var və həmişə arzumuz budur. Ölkə daxilində bir-birimizə qalib gəlmək məni qane etmir. Önəmlisi odur ki, içimizdən çıxanlar olsun və gedib Avropada qələbə qazansınlar. Amma “Qarabağ”ın qələbəsinin azərbaycanlılar və qarabağlılar üçün başqa bir mənası var. “Qarabağ” Qarabağındır, Qarabağ da Azərbaycanındır”.