Nazarov: “Bu mənim üçün problem deyil”

Hazırda Almaniya 2-ci Bundesliqa təmsilçisi "Ersqebirqe"də çıxış edən millimizin üzvü Dmitri Nazarov açıqlamalar verib. Futbolxeber.az saytının məlumatına görə, Almaniya mətbuatına danışan təcrübəli yarımmüdafiəçi komandasının ən sərrast futbolçuları arasında yer almasından söhbət açıb: 

 

“Qol vurmaq və komandanın ən sərrast oyunçularından biri sayılmaq yaxşıdı. Ancaq qələbə qolunun müəllifi olmağın xüsusi bir önəmi yoxdu. Penaltini yerinə yetirərkən topu göndərəcəyim küncü əvvəlcədən müəyyənləşdirirəm. Başqa nəsə fikirləşmirəm. Zərbə anında gördüm ki, qapıçı həmin kücə tullanır. Ancaq bu da mənim üçün problem deyil. Zərbə vuranda heç vaxt topun qapıdan keçib-keçməyəcəyini düşünmürəm. Sadəcə, topa yaxınlaşıb zərbəni vururam”.

 

Qeyd edək ki, Nazarovun formasını geyindiyi "Ersqebirqe" klubu II Bundesliqanın XXVI turunda “Karlsrue”ni məğlub edib – 1:0. Komandanın yeganə qolunu millimizin üzvü 36-cı dəqiqədə penaltidən vurub. Bununla da, o, Paskal Kökpedən sonra 4 qolla komandasının ən məhsuldar ikinci futbolçusu olub. Nazarovun komandası hazırda turnir cədvəlində 16-cı pillədə qərarlaşıb.