Səlahət Ağayev: “Eyni səviyyəli iki komandanın qarşılaşması oldu”

Ötən gün futbol üzrə Azərbaycan milli komandası yoldaşlıq oyunu çərçivəsində səfərdə Qətəri 2:1 hesabı ilə məğlub edib. Futbolxeber.az-ın məlumatına görə, yığmamızın qapıçısı Səlahət Ağayev oyunla bağlı AFFA-nın rəsmi saytına açıqlama verib: 

 

“Rəqibimiz zəif komanda deyildi. Eyni səviyyəli iki komandanın qarşılaşması oldu. Oyuna yaxşı başlasaq da, fasiləyə qədər qol vura bilmədik. Hesabı ikinci hissədə açdıq, təəssüf ki, tez də qol buraxdıq. Amma qələbə topunu vurmağa nail olduq. İkinci hissədə daha əzmkar mübarizə apardıq. Almaniya ilə oyundan əvvəl bu nəticə bizim üçün vacib idi. Yenə deyirəm, Qətərin zəif rəqib olduğunu demək, düzgün deyil. Baş məşqçimiz də qeyd edib ki, rəqib futbol oynamağı bacardığını meydanda göstərdi. Oyunun gedişi, axarı da bu qənaətə gəlməyə əsas verir.