2 Aprel 2025, Çərşənbə
II Liqada XIX tura start verildi
“Neftçi”, sabaha saxlama!
Kubok üçün hakim təyinatları
“Zirə” “Şamaxı”ya qalib gəldi

Ölkə futbolu

“Sumqayıt”ın kapitanı Krnetanın üzərinə hücum çəlməsindən danışdı

“Krneta oyunun gedişində mənə dirsək atdı və sarı vərəqə ilə cəzalandırıldı. Lakin aramızdakı mübahisənin səbəbi bu deyildi”. 
 
Futbolxeber.az-ın məlumatına görə, bu sözləri apasport.az-a açıqlamasında “Sumqayıt” klubunun kapitanı Vurğun Hüseynov deyib. Ölkə çempionatının XX turu çərçivəsində dünən “Zirə”nin qonağı olan “gənclik şəhəri” təmsilçisi meydandan məğlub ayrılıb – 0:1.
 
Matçdan sonra qonaqların müdafiəçisi Vurğun Hüseynovla “Zirə”nin serbiyalı futbolçusu Yovan Krneta arasında gərginlik yaşanıb. Özündən çıxan Vurğunu rəqib komandanın digər oyunçuları sakitləşdiriblər.
 
Bununla bağlı fikirlərini bildirən Hüseynov məsələyə aydınlıq gətirib: “Oyun bitəndən sonra Fariz Yusifova yaxınlaşaraq, hakimlərlə görüşdüm. Krneta da həmin məqamda onların yanına gəldi. Bu zaman ağzından 1-2 söz çıxardı, mən də özümü saxlaya bilmədim. Əslində, təbiətcə sakit insanam, meydanda heç vaxt belə davranmamışam. Sadəcə, həmin anda özümdən çıxdım. “Zirə”nin futbolçuları Anar Nəzirov və Kamal Bayramov önümə keçib, məni sakitləşdirdilər. Dedilər ki, özümüz onunla danışacağıq. Daha sonra Elvin Məmmədov telefon danışığında mənə məsələnin yoluna qoyulduğunu bildirdi”.
 
Qeyd edək ki, bu məğlubiyyətdən sonra “Sumqayıt” turnir cədvəlində 4-cü pilləni “Zirə”yə təhvil verib.
 







Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Aprel 2025
B.eÇ.aÇC.aCŞB
01 02 03 04 05 06
07 08 09 10 11 12 13
14 15 16 17 18 19 20
21 22 23 24 25 26 27
28 29 30