Almaniya millisinin Bakı planı

Futbol üzrə Dünya Çempionatının seçmə mərhələsi (DÇ-2018) çərçivəsində Azərbaycan millisi evdə Almaniya ilə qarşılaşacaq. 

 

Futbolxeber.az-ın məlumatına görə, martın 26-da keçiriləcək oyun üçün rəqib komandanın səfər planı müəyyənləşib. Yoahim Lövün komandası qarşılaşmadan iki gün əvvəl Bakı vaxtı ilə saat 17:35-də çarter reytsi ilə Düsseldorf şəhərindən ölkəmizə yola düşəcək və gecə saatların paytaxtımıza çatacaq. Onlar Bakıda yerləşən "Boulevard Hotel"ində məskunlaşacaq. Almanlar ertəsi gün matçın keçiriləcəyi stadionda oyunöncəsi məşqə çıxacaqlar. Rəqibimiz matç başa çatdıqdan sonra ölkəmizi tərk edəcək.

 

Qeyd edək ki, martın 26-da Tofiq Bəhramov adına Respublika Stadionunda keçiriləcək qarşılaşma saat 20:00-da start götürəcək. Almaniya 12 xalla C qrupunun lideridir. 7 xal toplaya bilən millimiz isə 3-cü pillədə qərarlaşıb.