Ayxan Abbasov: “Sindromu sındırmaq istəyirdik”

Bu gün Topaz Premyer Liqasında XVII tura start verilib. 

 

Futbolxeber.az-ın məlumatına görə, lider “Qarabağ” doğma meydanda “Zirə”ni 2:0 hesabı ilə məğlub edib. “Azərsun Arena”dakı matçdan sonra keçirilən mətbuat konfransında açıqlama verən qonaq komandanın baş məşqçisi Ayxan Abbasov məğlubiyyəti belə şərh edib: 

 

“Qarabağ”a qarşı oynamağın çətin olduğunu bilirdik. Bizim bu komandaya qarşı sindromumuz var idi. Bunu sındırmaq istəyirdik. Bilirdik ki, rəqib ilk dəqiqələrdən qol vurmaq istəyəcək. İlk 3 oyundan maksimum xal qazanmaq istəyirdik. Təəssüf ki, alınmadı. İtkilərimiz də var idi. Sezar Meza Kolli və Yovan Krneta bu gün iştirak etmirdi. Artıq “Qəbələ” ilə oyunlara hazırlaşacağıq”. (Apasport.az)