“Azərbaycanda toyuq olduğunu zənn edib qurbağa əti yedim”

Cari mövsümün gedişində "Neftçi"dən qovulan braziliyalı futbolçu Denilson Pereyra maraqlı açıqlamalar verib.

 

Futbolxeber.az-ın məlumatına görə, ölkəsinin mətbuatına danışan 21 yaşlı hücumçu ölkəmizdəki karyerasından danışıb. O bəzi maraqlı məqamlardan da söhbət açıb: "Azərbaycanda futbol çıxış etdiyim digər ölkələrdən çox fərqlidir. Bu səbəbdən oraya uyğunlaşmağa, oynamağa çətinlik çəkdim. Bir dəfə mən Azərbaycanda toyuq olduğunu zənn edib qurbağa əti yedim. "Qranada"nın B komandasından əsas komandaya yüksəlməyə hazırlaşırdım ki, həmin vaxt Azərbaycana köçdüm. "Neftçi" mənim keçidimdən öncə Avropa Liqası ilə vidalaşmışdı".

 

Qeyd edək ki, Pereyra İspaniyanın "Qranada" klubundan Bakı təmsilçisinə icarəyə göndərilmişdi.