Şahin Diniyev: “Belə olsa, dərhal komandanı tərk edərəm”

Bu gün Topaz Premyer Liqasında XVI tura yekun vurulur.

 

Futbolxeber.az-ın məlumatına görə, günün ilk matçında “Zirə” doğma meydanda “Kəpəz”ı 1:0 hesabı ilə məğlub edib. Zirə İdman Kompleksinin stadionundakı matçdan sonra keçirilən mətbuat konfransında açıqlama verən qonaq komandanın baş məşqçisi Şahin Diniyev qələbəni belə şərh edib:

 

- Belə oyundan sonra danışmaq çətindi. Komanda bütün oyunu hücumda olsa da, əldə etdiyimiz qol fürsətlərindən istifadə edə bilmədik. 9 nəfərlə müdafiə olunan rəqibə qol vurmaq çətindi. Bunun üçün oyunçularda ustalıq səviyyəsi yaxşı olmalıdı. Məğlubiyyətdə günahkar mənəm. Heç kimi günahlandırmaq istəmirəm. Özümüz bu “quyuya” düşmüşüksə, özümüz də çıxmalıyıq. “Zirə”ni təbrik edirəm. Komanda 65 dəqiqə yaxşı müdafiə olundu.

 

- Doğrudan da, komandada sizin “torbanız tikilir”?

- İnanmıram. Belə şey olsa, dərhal komandanı tərk edərəm. Bu, ən rahat çıxış yoludu - məğlubiyyəti futbolçuların, hakimlərin üstünə atmaq. Əgər belə bir şey varsa da, bunda günahkar mənəm.

 

- Dario yenə istənilən səviyyədə oynamadı...

- Onun 90 dəqiqə yüksək səviyyədə oynaması üçün fiziki cəhətdən tam hazır olmalıdı. Təlim-məşq toplanışına gec qoşulduğundan, tam hazır deyil.

 

- Nicat Qurbanov barədə nə deyə bilərsiz?

- Nicatın potensialı var. Sadəcə, bunu aça bilmir. Çox istəyərdim ki, o oynasın. Ancaq bunu gərək özü də istəsin.