Azarkeşləri “Kəpəz”i boykot etdi

Bu gün Topaz Premyer Liqasında XVI tura yekun vurulur.

 

Futbolxeber.az-ın məlumatına görə, günün ilk matçında “Kəpəz” səfərdə “Zirə” ilə üz-üzə gəlir. Hazırda Bakıda - Zirə İdman Kompleksinin stadionunda keçirilən qarşılaşmada qonaq komanda dəstəksiz qalıb.  Azarkeşləri Gəncə klubunu baykot edib.

 

Məsələ ilə bağlı “Kəpəz”i dəstəkləyən "Xəmsə" müstəqil fan-klubu bəyanat yayıb. Sizi həmin mətnlə tanış edirik: “İllərdir ki, "Kəpəz"in hər addımında yanında olub onu dəstəksiz qoymayan "Xəmsə" müstəqil fanat klubu komandanın bərbad çıxışı, Gəncə şəhər stadionunun, idman bazasının yararsız vəziyyətinin aradan qaldırılması istiqamətində klub rəhbərliyi tərəfindən heç bir addımın atılmaması, "Kəpəz"i faktiki olaraq Bakı klubuna çevirməsinə etiraz olaraq komandanın oyunlarını qeyri-müəyyən müddətə boykot edir. Növbəti mərhələlərdə etiraz olaraq başqa addımların da atılması nəzərdə tutulur. Boykotun müddəti, etirazların hansı istiqamətdə aparılması, və ya dayandırılmasına qərar Müşahidəsi Şurasının məsələ ilə bağlı rəsmi açıqlamasından sonra qərar veriləcək.