Ramil Şeydayev Türkiyə Superliqasında debüt etdi

Milli komandamızın və “Trabzonspor”un hücumçusu Ramil Şeydayev Türkiyə Superliqasında debüt edib.

Futbolxeber.az saytının məlumatına görə, 20 yaşlı forvard Superliqanın 13-cü turu çərçivəsində səfərdə “Kayserispor”a qarşı keçirilən oyunun 80-cı dəqiqəsində slovakiyalı Matus Beronun əvəzinə meydana çıxıb. Həmyerlimiz matçın 90+3-cü dəqiqəsində sarı vərəqə ilə cəzalanıb.

Matç “Trabzonspor”un 1:0 hesablı qələbəsi ilə başa çatıb. Qələbə qolunu Şeydayevin əvəzlədiyi Bero 36-cı dəqiqədə vurub.

Qeyd edək ki, 4 turdan sonra qələbə qazanan "Trabzonspor" hazırda 15 xalla 13-cü pillədə qərarlaşıb.