"...Qurban əmimin oyunlarına çox baxmışam"

“Əmilərim kimi futbolçu olmaq üçün çox çalışmalıyam. Etiraf edim ki, onların səviyyəsinə çatmaq asan deyil”. Futbolxeber.az saytına açıqlamasında bu sözləri “Zaqatala”nın hücumçusu Osman Qurbanov deyib.

Veteran futbolçular - Musa və Qurban Qurbanovların qardaşıoğlu olan Osman əmilərinin yolunu davam etdirir. Hazırda I divizion təmsilçisi “Zaqatala”da çıxış edən 23 yaşlı forvard daha çox Qurban Qurbanovun oyunlarını izləyib: “Əmilərimi bütün Azərbaycan tanıyır. Onların necə futbolçu olduqlarını hər kəs bilir. Buna görə də onların yolu ilə getmək elə səviyyədə futbol oynamaq heç də asan deyil. Lakin əlimdən gələni edirəm. Musa əmimin yox, Qurban əmimin oyunlarına baxmışam. Hər ikisi güclü futbolçu olub”.

Gənc futbolçu “Qarabağ”ın Avroliqadakı durumuna da toxunub: “Qarabağ”ın səfərdə “Slovan”a uduzması çox üzücü oldu. İnanıram ki, “Fioretnina”nı udub, qrupdan çıxacaqlar”.

Söhbətləşdi: FƏRƏC

“Layihə AFFA yanında Media Komitəsi tərəfindən maliyyələşdirilir”