“Qarabağ”la oyunöncəsi "Slovan"da ciddi itki

Avropa Liqasının qrup mərhələsində “Qarabağ”ın rəqibi olan Çexiyanın “Slovan” klubu ciddi itki ilə üzləşib. Futbolxeber.az saytının qol.az-a istinadən verdiyi məlumata görə, komandanın kapitanı Lukaş Pakorni dizindən zədələnib.

“Viktoriya” ilə oyunda xəsarət alan 29 yaşlı müdafiəçi dünən tibbi müayinədən keçib və məlum olub ki, o, 4 həftə meydana çıxa bilməyəcək.

Bu isə o deməkdir ki, Çexiya millisinin üzvü sentybarın 15-də “Qarabağ”la keçiriləcək oyunda  komandasına kömək edə bilməyəcək.