Fariz Nəcəfov: “Bu qələbə “Anderlext”ə gözdağı deyil” (MÜSAHİBƏ)

"Qəbələ”nin vitse-prezidenti Fariz Nəcəfovun Futbolxeber.az saytına müsahibəsi

- “Neftçi”nin qapısından 8 cavabsız qol keçirəcəyinizi gözləyirdiniz?

- Xeyr, bu cür hesab gözləmirdim. Əsas olan 3 xal idi, onu da qazandıq. Bu gün 2 komandadan biri uduzmalıydı. Elə alındı ki, biz qalib gəldik. Hesabın elə də önəmi yoxdur. 

- 8:0-lıq qələbəni “Anderlext” üçün gözdağı hesab etmək olar?

- Yox, belə deməzdim. Vacib olan 3 xal qazanmaq idi. Komanda öz oyun üslubuna, taktikasına sadiq qaldı. Bu da məni sevindirir. Hesabın necə olmasından asılı olmayaraq, öz oyunumuzu göstəririk. 

- Bu hesab “Anderlext”lə oyundan öncə komandada arxayınçılıq yaratmayacaq?

- Tam fərqli oyunlardı. Komanda hər görüşə başqa cür motivasiya olur. 

- Nəticəni nəzərə almasaq, göstərilən oyun sizi qane etdi?

- Bayaq dediyim kimi, rəqibin adından, hesabdan asılı olmayaraq, komandamız öz oyun tərzinə sadiq qalır. Əsas olan budur. 

- Hesaba görə “Neftçi”yə yazığınız gəldi?

- “Neftçi” bu gün uduzdu. Onlara qarşıdaı görüşlərdə uğular arzulayıram. Yəqin ki, bu vəziyyətdən çıxıblar. 

- “Neftçi”nin Müşahidə Şurasının sədri Çingiz Abdullayev hər müsahibəsində ardıcıl 5 dəfə kubokda finala çıxmalarını qabardır ki, bunun da ikisində onlar “Qəbələ”ni keçiblər...

- Çingiz Abdullayevin fikrinə hörmətlə yanaşıram. Statistikaı nəzərdə tutur. Faktı deyir. Olan şeyi deyir. Ona görə də fikri ilə razıyam. 

- Dünən “Qarabağ” 6, bu gün “Qəbələ” 8 cavabsız qolla qalib gəldi. Premyer Liqada rəqabət zəif olması sizi narahat edir?

- Təbii ki, çempionatın səviyyəsi, komandaların sayı nə qədər güclü olsa, daha yaxşı olar. Bu halda futbolçular daha çox inkişaf edərlər. Lakin hazırda reallığı qəbul etməliyik.