“Slovan”ın baş məqçisi: "Qarabağ"la eyni qrupa düşmək istəmirdik"

"Biz "Qarabağ"la eyni qrupa düşmək istəmirdik". Futbolxeber.az saytının "Report"a istinadən verdiyi məlumata görə, bunu Çexiyanın "Slovan" (Liberets) klubunun baş məşqçisi İndrjix Trpişovski Avropa Liqasının qrup mərhələsindəki rəqiblərini dəyərləndirərkən deyib.

O bildirib ki, püşkatmadan əvvəl məsafənin uzaqlığı və çətin rəqib olması səbəbindən Ağdam klubu ilə eyni qrupda yer almaq istəmirdik: "Bunu Çempionlar Liqasının III təsnifat mərhələsində "Qarabağ"la üz-üzə gələn "Viktoriya Plzen"in timsalında görmüşdük. "Qarabağ" püşkatmadan öncə 4-cü səbətdə yer almışdı. Lakin bu, o demək deyil ki, rəqib çətin komandadır".

Qeyd edək ki, J qrupunda "Qarabağ"la "Slovan"dan başqa, İtaliya "Fiorentina"sı və Yunanıstan PAOK-u da yer alıb.