“Qarabağ”a “Mançester Yunayted”i parçalamağı arzulayıram”

 “Qarabağ”ı qələbə münasibətilə təbrik edirəm. Rəqib yaxşı komandadır. Heyətlərində yaxşı futbolçular var. “Qarabağ” bu gün qələbəyə layiq idi”. Futbolxeber.az saytının məlumatına görə, bu sözləri “Qarabağ”la oyundan sonra “Göteborq”un baş məşqçisi Yorgen Lennartson deyib.

51 yaşlı mütəxəssis matça yaxşı başladıqlarını qeyd edib: “Amma künc zərbəsindən sonra qapımızda qol gördük. Bundan sonra rəqibin qarşısını ala bilmədik. Meydançanın durumundan şikayətlənə bilmərəm. Çünki hər iki komanda eyni şərtlər altında çıxış edirdi”.

Lennartsson mətbuat konfransının sonunda “Qarabağ”a uğurlar arzulayıb: “Qarabağ”ın qrup mərhəlsində “Mançester Yunayted”lə qarşılaşmasını istərdim. “Qarabağ”a “Mançester Yunayted”i parçalamağı arzulayıram”.