Qızlarımız tilsimi qırdılar

Rusiyanın Soçi şəhərində gənclərdən ibarət qadın yığma komandaları arasında təşkil olunmuş "Kuban baharı" beynəlxalq turnirində 19 yaşadək qızlardan ibarət Azərbaycan yığması ilk qələbəsini qazanıb. Futbolxeber.az AFFA-nın rəsmi internet saytına istinadən xəbər verir ki, Estoniyanın 1994-cü il təvəllüdlü qızlardan təşkil olunmuş yığması ilə qarşılaşan komandamız Aysun Əliyevanın vurduğu qol sayəsində 1:0 hesabı ilə qalib gəlib.

Yığmamız turnirdə növbəti oyununu martın 13-də, saat 11:30-da Rusiya komandasına qarşı keçirəcək.

Xatırladaq ki, qızlarımız bundan əvvəlki oyunlarında Rumıniyaya (0:1), Estoniyaya (0:2) və Ukraynaya (0:2) uduzmuşdu.