“Demişdi ki, qol vursan, onu gələcək övladımıza həsr elə”

“Oyun həyəcanlı oyun alındı. Daha əvvəl “Rəvan”a uduzduğumuzdan "Xəzər Lənkəran"la oyunu səbirsizliklə gözləyirdik. İlk yarıda oyunumuz tam alınmadı. Ancaq fasilədən sonra lazım olan qolu vurduq”. Futbolxeber.az saytına müsahibəsində bu sözləri AZAL-ın aparıcı üzvü Nuqzar Kvirtiya deyib.

Gürcü forvard komandasına qələbə gətirən qolunu xüsusi şəkildə qeyd etməsinin səbəbini belə açıqlayıb: “Tezliklə övladımız olacaq. Həyat yoldaşım demişdi ki, qol vursan, onu gələcək övladımıza həsr elə. Çox şadam ki, belə də alındı”.