“Xəzər Lənkəran”ın baş məşqçisi: “Bu, bizim köhnə xəstəliyimizdir”

“Oyuna yaxşı başsalaq da, ikinci hissədə komandam bir qədər “boşaşmışdı”. Mövqe səhvlərimiz çox oldu. Üstəlik, cinah və mərkəz müdafiəçiləri də inamsız təsir bağışladılar. Bunun da nəticəsində qapımızda qol gördük”. Futbolxeber.az saytının məlumatına görə, bu sözləri AZAL-la oyundan sonra “Xəzər Lənkəran”ın baş məşqçisi Elbrus Məmmədov deyib.

O, komandasının Premyer Liqada qalacağına inandığını bildirib: “Qol vurmaq üçün şanslarımız oldu. Lakin yararıana bilmədik. Bu, bizim köhnə xəstəliyimizdir. Qarşıda 4 oyunumuz qalıb. Çalışacağıq ki, evdə “Kəpəz” və “Sumqayıt”la oyunlarda xal qazanaq və Premyer Liqada qalaq” (CBC-Sport).