Əliyar Ağayev: “Qarabağ” - “Qəbələ” oyununda da səhv etmişdim”

“Danışmaq çətindi. Heç kim istəməz ki, səhv etsin. Təkəbbürlük kimi çıxmasın, amma mənim kimi hakim elə səhv etməməliydi”. Futbolxeber.az saytının məlumatına görə, bu sözləri FIFA referisi Əliyar Ağayev deyib.

Ölkə kubokunun yarımfinal mərhələsi çərçivəsində keçirilən “Neftçi” - “Qəbələ” (1:1) matçında səhvi olduğunu qeyd edən Ağayev, cari mövsümdə zəif təsir bağışladığını vurğulayıb: “Üzr istəmək zəiflik əlaməti deyil. Amma bilirəm ki, üzr istəməklə heç nəyi dəyişməyəcək. Karyeramın ən zəif mövsümünü keçirirəm. Niyə belə olduğunu özüm də bilmirəm, Nə cəza verilsə, razıyam. Daha əvvəl “Qarabağ” - “Qəbələ”, “Neftçi” - “Sumqayıt” oyunlarında da səhvim olmuşdu və həmin vaxt da cəzalanmışdım”.