“Krediti, borcu olan adamlar stadionda dərdlərini unudurlarsa, bu, mənim üçün şərəfdir”

“Kəpəz”in baş məşqçisi Şahin Diniyev “Neftçi”ni çalışdıracağı haqda yayılan xəbərlərə aydınlıq gətirib. Futbolxeber.az saytının məlumatına görə, təcrübəli mütəxəssis hazırda heç bir klubla danışıq aparmadığını vurğulayıb: “Ürəyim də, nəfəsimdə “Kəpəz”lə döyünür. Adım hardasa hallanırsa, bu, xoşdur. Lakin tam səmimi deyirəm ki, hazırda heç bir komandayla danışıq aparmıram. Heç vaxt ola bilməz də demirəm. Amma bu gün üçün belə bir variant yoxdur. Hazırda məni yalnız “Kəpəz” maraqlandırır. Krediti, borcu olan adamlar stadiona gəlib, bizi izləyərək dərdlərini unudurlarsa, bu, mənim üçün bu şərəfdir. Məni yaşadan o azarkeşlərdir”.