“Dodo “Neftçi” ilə oyunda meydana çıxacaq”

“Qəbələ”nin meneceri Səbuhi Səfiyarlı son zamanlar Dodonun komandanı tərk etməsi haqda yayılan xəbərlərə aydınlıq gətirib. Futbolxeber.az saytının məlumatına görə, Səfiyarlı braziliyalı futbolçunun komandanın düşərgəsində olduğunu vurğulayıb: “Dodonun komandadan ayrıldığı haqda yayılan xəbərlər doğru deyil. O, bu həftə komanda ilə birgə məşq edib. Bu gün “Xəzər Lənkəran”la oyunda meydana çıxmaq ehtimalı da var idi. Sadəcə, ağrılar yenidən özünü göstərdi. Buna görə də məşqçilər risq etməmək qərarına gəldilər. Dodoya yenidən istirahət verildi. Amma sabahdan o komanda ilə birgə məşqlərə start verəcək. “Neftçi” ilə kubok oyununda Dodo meydana çıxacaq” (CBC-Sport).