“Hakim mənə dedi ki, "qoduq, get o tərəfə, səni bir sözümlə futboldan silərəm"

"Çətin oyun olacağını bilirdik. Düzü, pis oynamadıq. Hakimin verdiyi səhv qərarlar komandanı sındırdı". Futbolxeber.az saytının məlumatına görə, bu sözləri "Xəzər Lənkəran"ın futbolçusu Orxan Səfiyaroğlu "Neftçi" ilə oyundan sonra deyib.

25 yaşlı yarımmüdafiəçi matçın baş hakimi Rəhim Həsənovun onu hədələdiyini də bildirib: "Elə matçdan öncə baş məşqçimiz də dedi ki, ehtiyatlı oynayın. Çalışın ki, cərimə meydançasında rəqib futbolçulara toxunmayın. Biz 12 nəfər qarşı oynadıq. Oyundan dərhal sonra baş hakim Rəhim Həsənova yaxınlaşaraq dedim ki, əziyyətimizi yerə vurdunuz. Haqqımızı halal etmirik. Cavabında mənə dedi ki, "qoduq, get o tərəfə". Səni bir sözümlə futboldan silərəm" (premyer.az).