Azərbaycan Premyer Liqasında transfer pəncərəsinin bağlanmasına saatlar qalıb

Bu gün Azərbaycan Premyer Liqasında transfer pəncərəsinin son günüdür. Futbolxeber.az-ın məlumatına görə, günün sonunda transfer pəncərəsi rəsmən bağlı elan olunacaq.

Peşəkar Futbol Liqasından saytımıza bildirilib ki, bu gün hələ ki heç bir klub yeni oyunçu sifariş etməyib.

“Xəzər Lənkəran”ın son olaraq “Rəvan”dan çıxış etmiş Tural Qürbətov və Vüqar Bəybalayevi, “Qəbələ”nin isə “Metallist”dən ayrılan Pavel Paşayevi sifariş edəcəyi gözlənilir.

Qeyd edək ki, transfer pəncərəsi bağlandıqdan sonra da yeni futbolçu sifariş etmək mümkündür. Lakin bu halda, futbolçu ilə klub arasında imzalanan müqavilənin tarixi fevralın 3-dək olmalıdır.