Diniyev Qriqorçuka cavab vermək istəmədi: “Eyni şəraitdə mübarizə aparırdıq”

“Kəpəz”in baş məşqçisi Şahin Diniyev Premyer Liqanın XIX turunda “Qəbələ” üzərində qazandıqları 3:0 hesablı qələbədən sonra rəqib baş məşqçi Roman Qriqorçuk və futbolçuların yenilgini qazonun durumu ilə əlaq ələndirməsi haqda səsləndirilən fikirlərə cavab vermək istəməyib. Futbolxeber.az saytına müsahibəsində bununla bağlı sualı təcrübəli mütəxəssis belə cavablandırıb: “Mən Qriqorçukun və ya “Qəbələ” futbolçularının dediklərinə cavab vermək istəmirəm. Yalnız onu deyə bilərəm ki, hər iki komanda eyni şəraitdə mübarizə aparırdı. Mən də istəyirəm ki, meydançanın durumu ideal olsun. Çünki “Kəpəz” də topla oynamağı sevən komandadı”.