Mikayıl Nərimanoğlu: “Stadionun bu vəziyyətdə olması təhlükəlidir”

Bu mövsüm Azərbaycan çempionatına qayıtması ilə gündəmə gələn “Kəpəz” klubunun stadionunun çökməsi ilə bağlı məlumatlar yayılıb. Futbolxeber.az-ın məlumatına görə, bununla bağlı sosial şəbəkələrdə fotolar paylaşılıb. Azarkeşlər qeyd ediblər ki, hazırda arenanın tribunaları pis əziyyətdədir. Stadion hər an çökə bilər.

Klubun Müşahidə Şurasının üzvü Mikayıl Nərimanoğlu məsələ ilə bağlı “Qafqazinfo”ya danışıb. O bildirib ki, hazırda araşdırma aparılır: “Fotoları biz də gördük. Hazırda durumu araşdırırıq. Razıyam ki, stadionun bu vəziyyətdə olması təhlükəlidir. Hər şey qaydasına qoyulacaq”.