Qurbanov məğlubiyyəti şərh etdi

“Qarabağ”ın baş məşqçisi Qurban Qurbanov Premyer Liqanın XIV turunda “Neftçi”yə 0:1 hesabı ilə uduzduqları oyunu şərh edib. Futbolxeber.az-ın məlumatına görə, matçdan sonra “CBC-Sport”a açıqlamasında Qurbanov bunları söyləyib: “Neftçi”ni qələbə münasibəti ilə təbrik edirəm. Komanda müəyyən qədər yorğunluq var idi. Həm psixoloji, həm fiziki baxımdan. Oyun ərzində qol epizodlarımız oldu. Lakin onlardan yararlana bilmədik. Məncə, azarkeşlər üçün maraqlı oyun oldu. “Tottenhem”lə oyundan sonra bəzi futbolçularda yorğunluq var idi. Bu səbəbdən də onlar bu gün ehtiyatda qalmışdılar. Dediyim kimi, həmin oyunçuları qorumaq, mənim üçün bugünki oyundan daha vacib idi”.