“Qəbələ” 1/16 final şansını itirdi

Avroliqada “Qəbələ”nin yer aldığı “C” qrupunda artıq V turun bir oyunu başa çatıb. Futbolxeber.az-ın məlumatına görə, “Krasnodar” öz meydanında Dortmund “Borussiya”sını 1:0 hesabı ilə məğlub edib. Bu isə o deməkdir ki, “Qəbələ” son iki turdakı oyunlarından asılı olmayaraq, 1/16 finala yüksəlmək şansını itirib. “Qəbələ”nin qrupdan çıxması üçün ilk növbədə bu gün “Borussiya” səfərdə “Krasnodar”ı məğlub etməliydi.

Qeyd edək ki, 5 oyundan sonra “Borussiya” və “Krasnodar”ın 10 xalı var. 4 turdan sonra PAOK 3, “Qəbələ” isə 1 xala malikdi.