Ştefan Stoyko: “Birinci hissədə Azərbaycan millisi yaxşı oynadı”

“Hər iki komanda üçün çox yaxşı yoldaşlıq oyunu oldu. Azərbaycan tərəfinə bizə göstərdikləri qonaqpərvərliyə, yaratdıqları şəraitə görə AFFA-ya minnətdarlığımızı bildiririk”. Futbolxeber.az-ın məlumatına görə, bu sözləri Moldova millisinin baş məşqçisi Ştefan Stoyko deyib.

Rumın mütəxəssis millimizə 1:2 hesabı ilə uduzduqları görüş haqda bunları söyləyib: “Birinci hissədə Azərbaycan yığması yaxşı oynadı. Ümumilikdə, oyun yaxşı alındı. Bakıya itkilərlə gəlmişdik. Legioner həyatı yaşayan 5 oyunçumuz bu gün komandaya kömək edə bilmirdi. Onların yoxluğunda gənclərə şans verdik”.

Stoyko Azərbaycanda idmana böyük sərmayə yatırıldığını qeyd edib: “Bilirəm ki, son illər Azərbaycanda təkcə futbola yox, bütün idman növlərinə böyük sərmayə yatırılır. Bunun da bəhrəsini görəcəksiniz. Təəssüf ki, Moldovada vəziyyət fərqlidi”.