31 Avqust 2025, Bazar günü
"Qarabağ" "Karvan"ı məğlub etdi
Baxşıyev: “Çempionluq sözlə olmur”
Rəşad Sadıqovdan qələbə şərhi
“Neftçi” Ohorini icarəyə verdi

Ölkə futbolu

Rusiya ilə oyunun qəhrəmanı: “Azərbaycan millisi bu gün gücünü göstərdi”

21 yaşadək futbolçulardan ibarət milli komandamızın hücumçusu Kerem Benkhenin Futbolxeber.az saytına müsahibəsi

- Rusiyanı 3:0 hesabı ilə məğlub etdiyiniz görüşlə bağlı nə deyə bilərsən?

- Yaxşı hazırlaşmışdıq. Matça da yaxşı start verdik. Elə oyunun əvvəlində qol epizodları yaxaladıq və onları dəyərləndirdik.

- Qazandığımız qələbədə erkən qolların rolu oldu?

- Əlbəttə. Hesabı erkən açmağımız xeyrimizə oldu. Çox əla oyun keçirdik. Belə qələbə sayəsində güclü komanda olduğumuzu deyə bilərəm. Bu gün Azərbaycan millisi gücünü göstərdi.

- Bu qələbədə sənin də böyük payın oldu...

- Qələbə qazanmağımız üçün əlimdən gələni etdim. Qol vurmağım mənim üçün də sevindirici oldu. Iki qol vurub, komandamın qələbəsində pay sahibi oldum və buna görə çox şadam.

- 3:0 hesabını sensasiya hesab etmək olar?

- Hesab edirəm ki, bizim yaxşı komandamız var. Bugünki rəqibimiz güclü olsa da, meydana qələbə üçün çıxmışdıq. Qalib gələcəyimizə də inanırdıq. Məncə, Rusiya millisinə daha çox qol vura bilərdik. Bunun üçün şanslarımız da var idi.

- Əvvəlki oyunlarda bu gün olduğu kimi inamlı çıxış etməyinizə nə mane olurdu?

- Nəsə demək çətindir. Məncə, Almaniya və Avstriya ilə oyunlara da yaxşı başlamışdıq. Sadəcə, səfərdə oyunuymuz istədiyimiz kimi alınmadı. Bakıda Finlandiyaya qarşı da pis oynamamışdıq.

- Qələbənin ardını gətirmək mümkün olacaq?

- Biz hər oyuna qələbə qazanmaq üçün çıxırıq. Əvvəlki oyunlarda da belə idi, bundan sonra da belə olacaq. 








Şərh yazılmayıb
ŞƏRH YAZ
Adınız, Soyadınız *  
E-mail    
Təhlükəsizlik kodu    
Kodu daxil edin *  







Arxiv

Avqust 2025
B.eÇ.aÇC.aCŞB
01 02 03
04 05 06 07 08 09 10
11 12 13 14 15 16 17
18 19 20 21 22 23 24
25 26 27 28 29 30 31