Rahid Əmirquliyev: “Bu o demək deyil ki, biz Moldovaya qalib gəlməməliyik”

“Moldova millisi haqda məlumatım azdı. Son olaraq Avropa çempionatının seçmə mərhələsi çərçivəsində oktyabrda Rusiyaya qarşı keçirdikləri oyunu izləmişəm. Rəqib pis komanda deyil. Onlar da qalib gəlmək istəyirlər”. Futbolxeber.az-ın məlumatına görə, bu sözləri Moldova mətbuatına müsahibəsində milli komandamızın üzvü Rahid Əmirquliyev deyib.

Təcrübəli futbolçu sabah yoxlama oyununda üz-üzə gələcəkləri Moldova ilə görüş haqda bunları söyləyib: “Bu oyun üçün kifayət qədər motivasiyamız var. Bəli, rəqib güclü deyil. Lakin bu o demək deyil ki, biz qalib gəlməməliyik. Qələbə hər zaman qələbədi. Oyuna köklənmək baxımından problem olmayacaq”.