"Onu transfer etməyə məcbur idik"

"Biz o komandalardanıq ki, özlərini göstərmək üçün təyinatda məşqçilərə vaxt verməyi xoşlayırıq. Ötən mövsüm uğursuzluq oldu və tez-tez məşqçilər dəyişdik. Bu gün isə başqa klublarda kifayət qədər öz sözünü deyən, təcrübəli məşqçini komandaya gətirmişik". Futbolxeber.az-ın məlumatına görə, bu sözləri "Qəbələ"nin vitse-prezidenti Fariz Nəcəfov deyib.

Rusiyalı mütəxəssisin təqdimetmə mərasimində çıxış edən klub rəsmisi Syominlə sözləşmədən də söz açıb: "Syominlə bir illik müqavilə bağlanılıb. Bildiyiniz kimi, köməkçiləri də bəllidir. Vüqar Məmmədov, Dmitri Kramarenko və Sənan Qurbanov Syominə kömək edəcəklər".

Klub rəsmisi komandanın transferləri haqda da danışıb: "Biz Syominin fikrini öyrənməmiş heç bir yerli futbolçunu transfer etməmişik. Levini də onun məsləhətiylə aldıq komandaya. Nizami Hacıyevi də soruşmuşduq özündən. Amma onu almağa da məcbur idik. Çünki oynatmağa yerli futbolçu lazımdır".