“Yanq Boyz” - “Qarabağ”: rusiyalı hakim həm Azərbaycan, həm də İsveçrə klublarına uğur gətirir

Avroliqanın pley-off mərhələsinin ilk oyunu çərçivəsində keçiriləcək "Yanq Boyz" - "Qarabağ" matçını rusiyalı referi Vladislav Bezborodov idarə edəcək. Futbolxeber.az-ın məlumatına görə, 42 yaşlı hakim artıq 6 ildir ki, FİFA referisi statusunu daşıyır. Bezborodov 2 dəfə Azərbaycan klubunun oyununu idarə edib. Bu, 2009-cu ildə keçirilən “Birlik Kuboku”na təsadüf edib. Həmin vaxt rusiyalı referinin idarə etdiyi oyunda “İnter” əvvəlcə qrup mərhələsində “Ventspils”i 2:0 hesabı ilə məğlub edib. Daha sonra isə finalda Soliqorsk “Şaxtyor”u ilə matçda təmsilçimiz penaltilərlə sevinib.

Vladislav Bezborodov elə İsveçrə klublarına da uğur gətirir. Onun idarə etdiyi 3 oyunun 2-də qalib gələn İsveçrə klubları, 1 dəfə də meydandan heç-heçə ilə ayrılıblar. Maraqlıdır ki, sözügedən 3 oyunun hamısı İsveçrədə baş tutub:

“Sürix” - “Vilyareal” 3:2

“Bazel” - “Mölde” 1:1

“Bazel” - “Debretsen” 3:1