“Neftçi”nin yetirmələrinin “Rəvan”a kömək etməsinin səbəbi məlum oldu

Premyer Liqanın II turu çərçivəsində keçirilən “Rəvan” - “Qarabağ” oyununda topdaşıyanların “Neftçi”nin formasında olmalarının səbəbi məlum olub. Futbolxeber.az-ın məlumatına görə, bu göstəriş “Neftçi”nin icraçı direktoru Elnur Məmmədovdan gəlib. Belə ki, Məmmədov hələ də köhnə işlərinin icrasını davam etdirir. AFFA-da çalışdığı zaman “Bakcell Arena” və “Bayıl Arena”nın nəzarəti ona tapşırılmışdı. “Neftçi”nin icraçı direktoru bu vəzifələrini hələ də icra edir. “Neftçi”nin yetirmələri də “Rəvan”ın oyununa Elnur Məmmədovun göstərişi ilə yollanıb.Bu məsələni “ağ-qaralar” üzərinə götürüb. Mövsümün sonuna kimi “Neftçi” bu baxımdan “Rəvan”a yardım edəcək.