“Xəzər Lənkəran”dan etiraz: “3 ildir ki, bu hakimin çəkisini sala bilmirlər”

“Xəzər Lənkəran” Premyer Liqanın II turu çərçivəsində “Sumqayıt”a qarşı baş tutan oyunun baş hakimi Elvin Əsgərovun idarəçiliyindən narazı qalıb. Futbolxeber.az-ın rekord.az-a istinadən verdiyi məlumata görə, Lənkəran klubunun mətbuat xidmətinin rəhbəri Hüseyn Cəbrayıloğlunun oyunsonrası mətbuat konfransında baş məşqçi Yunis Hüseynovdan öncə sözə başlayıb. O bildirib ki, Əsgərovla bağlı şikayətlərini matçın yekun protokoluna yazıblar: "Biz artıq bilmirik nə deyək. Bugünkü oyundakı hakimlikdən çox narazı qaldıq. Belə hakimlik olmaz. Deməyə söz tapmırıq. 3 ildir ki, bu hakimin çəkisini sala bilmirlər. Bu çəki ilə hakimlik eləməzlər. Biz oyundan dərhal sonra narazılığımızı matçın yekun protokoluna bildirdik. Bu arada, matçın hakim-inspektoru tribunada bizim yaxınlığımızda əyləşmişdi. Təsəvvür edin, hakim haqqında yazdıqların qeydlər 2 səhifəni keçmişdi. Məncə, başqa sözə ehtiyac yoxdur".